Madixii hore ee sirdoonka al-Shabaab Sakariye Ismaaciil Axmed Xirsi ayaa si rasmi ah uga haray aydiyoolajiyadda al-Shabaab waxana uu saaxiibadiisii hore ugu yeeray in ay raacaan tusaalihiisa.
Xirsi, oo isku dhiibay ciidamada Soomaaliya 27-kii December, ayaa al-Shabaab u soo qabtay xilal kala duwan, oo uu ku jiro garabkeedaAmniyaatka ee sirdoonka iyo dilalka.
Waxa uu go’aansaday in uu kooxda uga tago sababtoo ah waxay ka leexatay dariiqa saxda ah, waxay dadka ku marin habaabisay ujeeddoonyinkeeda sharka ah waxana hareeyay faragalin shisheeye, ayuu u sheegay saxafiyiinta, isaga oo alleefayay xiriirka buuqu hareeyay ee ay la leedahay al-Qaacida.
Labada kooxood ayaa sannada badan lahaa xiriir dhow laakiin waxay si rasmi ah isugu biireen 2012-kii. Isku biiritaankaas ayaa la rumeeysan yahay in uu mas’uul ka yahay in badan oo ka mida khilaafaadka soo kala dhex-galay madaxda sare ee al-Shabaab iyo waayitaanka taageerada dadweynaha Soomaaliyeed kadib markii ay kooxdu weerarro la beegsatay rayidka.
“Haddaan dib ugu noqdo ujeeddooyinkii hore ee al-Shabaab ku bilaabatay, oo ahaa kuwo dad badan oo niyad wanaagsan soo jiidan karay,” ayuu Xirsi ka yiri shir jaraa’id oo uu Talaadadii (27-kii January) ku qabtay Muqdisho, taasoo aheeyd markii ugu horreeysay oo uu dadweynaha la hadlo siduu isku dhiibay. “Nasiib darro, waxaa dhacday in dad dano gooni ah watay, oo aan ka shakisanahay in uu shisheeye saameeyn ku leeyahay, ay afduubeen ujeeddooyinkii.”
“Xaqiiqdu waxay tahay in xubno kooban oo ka tirsan hoggaanka ay mas’uul ka yihiin dhammaan [aydiyoolajiyadahaas] la qalloociyay,” ayuu yiri. “Dhowr annaga ah ayaa ka horyimid sida uu hoggaanku wax ku waday iyo suntooda gurracan.”
“Waxan ka tanaasulay in aan dagaal wax ku xalliyo waxanan danaheeyga ku gaari doonaa dariiq nabadeed, iyo in aan u maro dib-u-heshiisiin iyo isfaham,” ayuu yiri Xirsi.
Xirsi ayaa ugu baaqay saaxiibadiisii hore ee al-Shabaab in ay raacaan tusaalihiisa oo ay isku soo dhiibaan dawladda.
“Waxan ugu baaqayaa oo ku dhiirrigalinayaa dhamman saaxiibadeey in ay waddo nabadeed u maraan xallinta dhammaan khilaafaadyada iyo dariiqa dib-u-heshiisiinta, maadaama hadda ururkaas,al-Shabaab, uu gabi ahaanba dumay, waana sababtaas tan aan halkan u joogo,” ayuu yiri.
Cafis shuruudo ku xiran
Kadib shirkiisii jaraa’id, ayuu Madaxweynaha Soomaaliya Xasan Sheekh Maxamuud waxa uu sheegay in dawladda federaalka ay la hadli doonto xubin kasta oo al-Shabaab ah oo isa soo dhiiba.
“Waxan u sheegayaa in badan oo ka mida xubnaha al-Shabaab ee soo gadooday: albaabku marwalba wuu u furan yahay kuwii diida ajandaha bururinta ah ee al-Shabaab oo qaata nabadda,” ayuu u sheegay warfidiyeenka Arbacadii.
Maxamuud ayaa sidoo kale qiray sida ay ugu culustahay dadwynaha Soomaaliyeed cafiska loo fidinayo xubnaha al-Shabaab.
“Qaar kamida mas’uuliyiina sare ee al-Shabaab ayaa mar horeba goostay, dawladda federaalka Soomaaliyana waxay ka caawisay in laga saaro cunuqabateeyntii [caalamiga] aheeyd ee saarneeyd,” ayuu yiri Maxamuud. “Waxan jeclahay in aan dadka Soomaaliyeed u xaqiijiyo in aan howshan si sahlan loo sameeyn.”
Ka sokoow Xirsi, wuxuu madaxweynuhu tusaale ahaan u soo qaatay tiro isugu jira askar heer hoose ah iyo mas’uuliyiin sare oo ka soo tagay kooxda argagixisada ah 12-kii bilood ee la soo dhaafay — oo uu ku jiro taliyihii Buuraha Golis Maxamed Siciid Atom, oo ka soo goostay kooxda June-tii kal hore iyo taliyihii hore ee al-Shabaab ee degmada Luuq Xuseen Dhubi, oo isku soo dhiibay mas’uuliyiinta ammaanka Soomaaliya 15-kii January — si uu ugu kaabo dooddiisa cafiska iyo dib-u-heshiisiinta.
“Hoggaamiyayaashaasi waxay si dhab ah uga qoomameeyeen ficilladoodii hore,” ayuu yiri. “Waxay raadiyeen walina raadinayaan dib-u-heshiisiin, gaar ahaan kuwii ay dhibaatadu ka soo gaartay ficilladooda. Waxay si rabitaankooda ah u cambareeyeen al-Shabaab iyo ajandahooda ka fog Soomaalinimada iyo Islaanimada, waxayna muuqaal ka bixiyeen nolosha argagaxa leh ee ka dhex jirta uruka sharka ah: arxandarro, dagaal dhexdooda ah, khiyaano, musuqmaasuq iyo wax kasii daran.”
“Sababahaas dartood ayay dawladda federaalku waxay diyaar u tahay in ay la hadasho, kuwaas mar ahaa cadowgeenna, oo ay gacan ka siiso sidii ay dib ugu soo dhex dabaalmi lahaayeen bulshada Soomaaliyeed,” ayuu yiri.
“Dawladda federaalku waxay diyaarisay hannaan ay ku garanayso kuwa soo goosashadu ka dhabka tahay,” ayuu yiri Maxamuud, isaga oo ka hadlayay walwalka muwaadiniintu ku muujiyeen shakiga ay ka qabaan qasdiga dhabta ah ee kuwa soo goosanaya. “Soo goosashadu waxay la imanaysaa shuruudo.”
Si lagu siiyo cafis, ayuu sheegay Maxamuud, kuwa ka soo goosta al-Shabaab waa in ay qirtaan dambiyadoodii hore, diidaan colaadda, qaataan in ay khilaafka ku xallinayaan wadiiqooyin nabadeed, oo ay ka go’naataa in ay dib ugu milmayaan bulshada si muuqatana uga qaybqaataan wanaagooda.
Soo goostayaashu waxa ay mari doonaan barnaamij dhaqan-celin waxana isha ku heeyn doona hay’adaha ammaanka marka la sii daayo si loo hubiyo “sida ay u sii wadaan ballantoodii aheeyd in ay isaga hareen al-Shabaab”, ayuu raaciyay.
Isaga oo ku celinaya sida ay maamulka uga go’antahay dib-u-hesheesiinta, ayuu Wasiirka Warfaafinta ee Xilka sii banneeynaya Mustafa Axmed Dhuxuloow waxa uu ku tilmaamay cambareeynta Xirsi ee al-Shabaab “mid geesinimo ah”.
“Waxan rajaynaynaa in ay keento in ay kuwa kale raacaan raadkiisa oo ay qaataan nabadda,” ayuu warfidiyeenka ugu sheegay shir jaraa’id.
Xukuumaddu waxa ay diyaar u tahay in ay gacan u fidiso Soomaalida diyaarka u ah in ay qaataan nabadda oo doorta in ay ka tanaasulaan aydiyoolajiyaddoodii guracneeyd, ayuu sheegay Dhuxuloow. “Sida uu Sakariye sheegay, waxan khilaaf kasta oo naga dhexeeya ku xallin karnaa qaab nabadeed.”
Tallaabo dhiirrigalinaysa in al-Shabaab laga soo goosto
Guul ayay u tahay dawladda in mid ka mida saraakiisha ugu sarreeysa ee qaybta Amniyaadka al-Shabaab uu u soo goosto, ayuu sheegay Mukhtaar Cumar Oronjo, oo ah tifaftiraha Radio Muqdisho-ha dalwadda.
“Waxa uu ballanqaaday in rag badan oo saaxiibadiis ah uu keeni doono dhinaca dowladda,” ayuu yiri Oronjo. “Tani waa arrin guul u ah dowladda Soomaaliya waxa ay keeni kartaa in qeybta ugu muhimmsan kooxdaan, oo ah sirdoonka, ay kala fur furanto oo siro badan laga ogaado.”
Oronjo waxa uu sheegay in haddii laga faa’idaysto aqoonta aan wax la barbar dhigo ayan jirin ee uu Xirsi u leeyahay howlgallada Amniyaatka iyo sida ay u shaqeeyso oo si waxtar leh isa soo dhiibiddiisa looga faa’idaysto in lagu soo jiito kuwa kale ay taasi xukuumadda ka caawin doonto in ay si buuxda u kala furfurto kooxda xagjirka ah.
“Ninkaan muddo dheer ayuu maamul hayay. Waxa uu ogyahay dadka ka shaqeeya halkaa, inta ay u kala qeyb samaan iyo sida ay u shaqeeyaan,’ ayuu yiri. “[Sida ay xukuumadda ula dhaqantay Xirsi] waxay meesha ka saari doontaa cabsida ragga aaminsan in haddii dowladdu qabato ay dhibaato la kulmayaan.”
Cabdirisaaq Maxamed Qayloow, oo ahaan jiray afhayeenkii Midowgii Maxkmadaha Islaamiga markii dambana afhayeen u ahaa Wasaaradda Warfaafinta xilligii Dawladda Federaalka Ku-meelgaarka ee Madaxweyne Sheekh Shariif Sheekh Axmed, ayaa sheegay in soo goosashada Xirsi ay ka dhigan tahay dharbaaxo wayn oo ku dhacday al-Shabaab bacadamaa uu mas’uul ka ahaa howlgallada sirdoonka kooxda ee Bariga Afrika.
“Waxa aad ka garan kartaa sida ninkaan uu muhiim ugu ahaa [al-Shabaab] waxay kooxdu ku aamintay in uu maamulo mid ka mid ah qeybaheeda ugu muhiimsanaa, iyo lacagta faraha badan ee madaxiisa la dul dhigay,” ayuu yiri.
Barnaamijka Abaalmarinta Garsoorka ee Wasaaradda Arrimaha Dibadda Maraykanka ayaa dul dhigay madaxa Xirsi $3 milyan tan iyo June 2012-kii.
Xirsi waxa uu saameeyn badan ku yeelan karaa askar badan oo isaga ka hoos shaqeeyn jiray oo wali daacad u ah, taasoo keeni karta in si ballaaran looga soo goosto, ayuu sheegay Qayloow. Laakiin taas waxa kasii muhiimsan, in ka tagistiisa al-Shabaab ay ka dhigan tahay tusaalihii ugu dambeeyayee furfurka ku yimid hoggaanka kooxda waxayna sii niyadjabin doontaa dagaal yahaniinta ku haray al-Shabaab.
“Sids darteed, tani waa dharbaaxo ku dhacday al-Shabaab waana u faa’ido dawladda federaalka Soomaaliya iyo xulafadeeda,” ayuu yiri.
Cabdisalaam Cali Macallim oo reer Muqdisho ah ayaa ku ammaanay xukuumadda Soomaaliya go’aankeeda ah in ay sii waddo barnaamijkeedii cafiska iyo sida ay uga go’an tahay in ay amnigii iyo xasilloonidii soo celiso iyada oo u maraysa dib-u-heshiisiin.
“Hadalkii madaxweynaha waa uu fiicnaa oo wuxuu si cad u sharxay waxa ay dalwaddu ka rabto dagaalyahannada al-Shabaab,” ayuu sheegay. “Waa qorshe aad u fiican oo si dhab ah ugu ololeeyn kara nabadda.”
Iyada oo Atam iyo Xirsi u soo qaadanaya tusaale, ayay dalwaddu baaq cad u dirtay taliyayaasha kale ee al-Shabaab ee doonaya in ay ka baxaan kooxda in ay iyaguna kursi ku leeyihiin miiska nabadda.
“Waxan ku dhiiri-galin lahaa dawladda in ayan ka daalin oo ay sii waddo soo dhoweeynta kuwaa soo goosanaya bacdamaa ay taasi tahay hal arrin oo soo afjari karta dagaalkan diimeed ee iska yeelyeelka ah,” ayuu yiri.
Isha: Sabahi Online
Weblinks:
Web link Exchange
Websites Friends
SONNA http://sonna.net
HALGANKA http://halganka.net
SOMALI-NEWS http://somali-news.com
GAMESINDEX http://gamesindex.co.uk
BINH http://binh.biz
SOMALIINDEX http://somaliindex.co.uk
Qurandownload http://qurandownload.org
AZVOX http://azvox.net
AZVOX http://azvox.com
Webdesigncompany24 http://Webdesigncompany24.com
Webdesign36 http://Webdesign36.com
Webdesiger-nin http://webdesigner-in.co.ukhttp://binh.bizhttp://clouda.co.ukhttp://cmscasts.comhttp://coloindex.nethttp://drupaltraining.bizhttp://games-trailers.co.ukhttp://gamesindex.co.ukhttp://halganka.comhttp://holiday-to.euhttp://holidays-to.comhttp://homesgb.co.ukhttp://internfinder.co.ukhttp://jobslog.co.ukhttp://newsindex.co.ukhttp://quraan.euhttp://qurandownload.orghttp://resor.co.ukhttp://serverburst.co.ukhttp://serverburst.nethttp://shopislam.orghttp://somali-music.nethttp://somali-news.comhttp://somaliindex.co.ukhttp://somaliindex.comhttp://somaliindex.nethttp://somaliindex.co.uk
