Meelo badan Aduunyada waxa laga sheegaa in Shimbirihii hore loogu Yaqaaney ay ka dabar go,een.Warar iyo Qoraalo badan oo lagaga Hadlayo arimo la xidhiidha Sababaha shimburuhu u hayamaan ama ugu Yaraadeen badi Wadamada aduunka Ayaa soo baxaya.Qaarado badan wey ka gureen shimbirihii beri hore dul hogan Jirey.Dhawaaqii iyo Codkii Shimbiruhuna habeen iyo Maalinba wuu Yaraadey,si aad Shimbir ku aragto ama kaga Fikirtaana Maskaxda kuma soo Dhawaan.Noocyadii badnaa ee Shimbiruhu lahaan Jirey qaar badan oo ka mid ahina wey Dabar go,een.Quruxdii ay Degaanka iyo Dhirta u lahaan Jireena Ma soo Dhawaan.Nabaad guurka iyo Dhirta La jarey ayaana sababi kara in Shimburuhu u duulaan Dhulalka fog,fog ee Keymaha iyo Dhirtu ku badan tahay.
Haad samada duulayaa ma jiro.shimbiro raxan raxan(Flocks of Birds) u wada socdaa sida lagu arkaa wey adag tahay.Shimbiro badan oo geed saaran lama arko,Geedihii badnaa ee dusha ay uga bixi jireena waxa badalay Fooqaq dhaadheer.haadka samada duuliyo diinkuba u siman……………..bal u fiirso sida ay u sameyso cufka iyo guriga” Birds Nest”geedka laamihiisa ka soo lusha”Dangling”.ma gurigaasi aan dhaceynin,bal gurigaasi sida ay u sameysey daawo,bal beedka u dhex yaala eeg,bal shimbirta yar ee Gurigaasi ku dhex dilaaci doonta daawo.habka loo sameyey,Dugsoonka,Albaabka(Hole) laga galaayo intuba waa Mucjiso u baahan in lagu Cibro qaato.In badan ayaan daawanaayey Dhowr guri oo Shimbiro uga Dhisnaa geed Laamihiisa kala duwan,Ma garan karo in ay Wakhtigan Habeenkii u soo Hoydaan.Ma garan karo in Beed u dhex Yaalo laakiin hab adag oo albaab leh Ayaa shimbirta keeda Labi u dhisey Gurigaasi.Maxay Shimbirtu ku garatay Geedka ay degan tahay.Boqolaal Km inta ay Duusho Miyaaney hadana Geedkii gurigu uga Dhisnaa ku soo Noqon/laabanin.
Maxay shimbirtu ku garatay guriga lagu Xanaaneeyo iyo Dadkii soo Korsaday intaba.Shimbiro badan ayaa barta dadka iyo guriga lagu Heysto,Kuwaasi oo garabka u saaran ama Gacanta ugu Jira.Shimbiro garanaya wakhtiga la qadeeyo,Hambada halka loo Dhigo,Biyaha barta loogu Shubo iyo Galayda halka loogu daadiyo intaba.Bal abuurtaasi ilaahay daawo,Bal Shaqadeeda Daawo,Bal Dareenkeeda u fiirso.Diigi Ciyi jirey ma joogo,Shimbirihii Heesi jirey may soo Dhawaan.Codka Maqalka dhawaaqa Sameecadaha ayaa Badalay.midhadh xamaam ah oo Meelahaasi ka guuxa iyo qooley ayaa ku sii hadhay aragtida iyo Garashada dadka.
Marka Shimbir Geed saarani ay Waste kugu soo Daadiso waxa la odhan Jirey Lacag ayaad Heleysaa,Hadaad is qaniintana waa lagu Xamanayaa.Maxaan lacag helaa Shaadhkiiba wasakh baa iga xumeysee.Shimbirihii caanka ahaa iyo kuwii aan la aqoonin intuba Wey dabar go,een.Shinidii badneyd ee Kolba meel ku soo degi Jirtey sidii hore maaha.Shinidu waxa ay Camal ka dhigatay Hudheelada Macaanka badani yaalo iyo Goobaha shaaha lagu cabo.Shimbirihii sida Gal xareeda Dhulka wadhnaan Jirey Ma joogaan.Shimbirihii Beeraha laga Ilaalin Jirey ee Dalaga cuni Jirey Abaaro Ayaa Dhulkii kaga Dhacay.
Xagey u duusha shimbirtaan is lahaa….. Wuxuu ahaa Qoraal hore aan uga soo Qoray Shimbiro meel ka mid ah Guriga aan ku Noolahay Cuf ka sameystey.Shimbiro Habeenkii ila soo Hoyda,Aroortina marka quraacda loo dhigo iga hor duula.Laakiin marar badan aan Qadada guriga iskugu Nimid.Waxa ilaalisa,oo Cunto iyo biyo meel u dhigta Hooyaday.Ma garan karo halka ay u duuleen ama ku danbeeyeen Shimbirihii yar yara ee ku dhex dilaacay Cufkani.Ma shimbirihii igu soo hor koray ayaa ka duulay guriga oo Duulimaad aan soo noqosho laheyn ku maqan.Waan ogahay in Shimbirka lab reero sugayaan oo Hawlihii Nolosha aduunyo uu ku Mashquuley.oo aanu diba u soo Jaleeciin Cufkii lagu soo Koriyey.
Shimbiraha Hayaame,Hadba Cimilada iyo Jawiga Meel u raaca.Shimbiraha Barwaaqada Jecelee Cida iyo Heesaha isku dara.Shimbiraha quruxda iyo Midabka ku kala duwan,Shimbiraha Afka iyo Codka ku kala duwan,Shimbiraha Bada iyo berigaba ku nool,Shimbraha Culeyska iyo Miisaanka ku kala duwan,Shimbiraha Baalasha iyo baalka ku kala duwan,Shimbiraha Dherarka iyo xooga ku kala duwan.Shimbiraha cidiyaha iyo Cagaha ku kala duwan,Shimbiraha luqunta iyo Laabta ku kala duwan.Shimbiraha beedka ku kala duwan.Shimbiraha Lafaha liqa iyo Kuwa Cayayaanka cuna.Shimbiraha afkooda dheer ku qoda Jirida geedaha.Shimbiraha suuqa lagu kala iibsado ee CAGE xaafada loogu xidho.Shimbiraha Caruurta Daawashada looga Dhigo,Beeraha Xayawaankana lagu Dhex beero.Shimbirtii Quruxda Badneyd Xagey u duushay!CUCKOO………Baaqbaaqa dadka Canjila PARROT.
Ceelaabe