Maamulka Al-Shabaab ee ka arrimaya magaalada Kismaayo ayaa digiin culus u jeediyay suxufiyiinta ka shaqeeya meelaha ay ka arrimiyaan gaar ahaan gobalada Jubooyinka.
Guddoomiyaha Shabaabka u qaabilsan magaalada Kismaayo Sheekh Xasan Yacquub ayaa sheegay ciddii lagu arko iyagoo la shaqeenaya wasrbaahinta gudaha dalka iyo kuwa dibadda in tallaabo adag laga qaadi doono.
Wariyaal ku sugan Kismaayo oo ay la xiriiray saxaafada, diidana in magacyadooda ay xigato saxaafadda ayaa sheegay in wariyaasha la sheegay in aysan la shaqeen kasrin ama aysan warar u diri karin Idaacadda gudaha iyo kuwa dibadda.
Warkan Al-Shabaab ay soo saareen ayaa sidoo kale laga baahiyay Idaacadda ku hadasha afka Al-Shabaab Andulus ee magaalada Kismaayo.
Inta badan wariyaashii ka shaqeenaayay goobaha Shabaabka ayaa isaga cararay halkaas iyagoo aaday dhinaca dalka Kenya iyo kuwa soo maciinbiday magaalada Muqdisho ee caasimada Soomaaliya halkaas oo ay ka arrimiso dowladda KMG ah.
Soomaaliya waxa ay ka mid tahay dalalka lagu waxyeeleeyo saxaafadda oo ilaa lix suxufi ayaa lagu dilay sanadkan, waxana badankood lagu dilay magaalada Muqdisho.