Magaalada Muqdisho iyo deegaanada ku xeeran oo labadii bilood ee la soo dhaafay ay ka jireen kuleylo daran ayaa waxaa saakay ku hoortay raxmad Alle oo loogu riyaaqay.

Roobabkan oo runtii lagu qabowsaday ayaa la sheegay inay hakad geliyaan dhaqadhaqaaq maalmeedki reer Muqdisho, waxaana adag baa la leeyahay xareedda dhulka camirtay darteed in gaadiidku si caadi ah u shaqeeyo.

Si kastoo ay ahaataba waxaa maanta Muqdisho ka curtay roobabka fasalka guga waxaana Alle laga rajeynayaa in uu roobab lagu diirasado oo dadka, xoolaha iyo dalagaba anfaca ku hooriyo dhulka Soomaaliyeed ee mudooyinkii la soo dhaafay ay abaaruhu ka jireen.

halgankanet@gmail.com

Saraakiisha dowladda KMG Soomaaliya iyo kuwa AMISOM ayaa waxay shalay kulan saacado badan qaaday oo looga hadlayey amaanka Muqdisho ku yeesheen Saldhigga ciidamada Midowga Afrika ay ku leeyihiin Muqdisho ee Xalane.
Mas’uuliyiintii kulanka ka qaybgalay ayaa waxay isku raaceen in wax badan laga qabtay amaanka Muqdisho, iyagoo niyadjab ka muujiyey qaraxyada mararka qaar ka dhaca magaalada Muqdisho iyo dilalka qorsheysan ee lagu fuliyo dadka u shaqeeya dowladda KMG.
Taliyaha ciidamada AMISOM Gen. Fred Mugisha oo hadal dheer ka jeediyay kulanka ayaa sheegay inay u diyaarsanyihiin sidii ay uga howlgeli lahaayeen goobo ka baxsan Muqdisho, isagoo sheegay in qorshahoodu ka mid yahay inay weeraraan goobaha ay Al-shabaab ku sugan tahay.
“Waxaan doonaynaa inaan sedexda bilood ee soo socda ka saarno Al-shabaab dhul balaaran oo ku yaala Soomaaliya, waxaana ugu horeyn doona deegaanada ku dhow Muqdisho” ayuu yiri Gen. Mugisha oo intaasi ku daray in amaanka Muqdisho wax weyn laga qabtay tan iyo markii Al-shabaab laga saaray degmooyinka gobolka Banaadir, ayna ku rajo weynyihiin inay amaanka sii xoojiyaan.
Saraakiil kale oo ka hadlay shirka ayaa waxay ka hadleen amaanka Muqdisho iyagoo sheegay in dowladdu ay guulo ka gaareen sugidda amaanka degmooyinka Muqdisho, inkastoo ay sheegeen inay jiraan dhibaatooyin weli laga geysanayo Caasimada.

Madaxweynaha dalka Yugandha Yoweri Museveni ayaa sheegay inuu xilka ka degayo marka la gaaro sanadka 2016-ka, haddii uu xisbigiisu oo talada dalkaasi haya uu taas weydiisto, si kalena uusan xukunka dalka Yugandha ugu degaynin.
Mr. Museveni ayaa hadalkan sheegay mar uu wareysi gaar ah siiyey telefishinka CNN ee dalka Mareykanka isagoo yiri “Marnaba ma doonayo inaan awoodda dalka wareejiyo, laakiin haddii uu xisbigeygu ka doodo oo isku raaco inaan xilka ka tago waan ka tagayaa ee si kale ugama tagyo xilka dalka Yugandha”.
Mas’uuliyiin kala duwan oo reer Yugandha ah, kana hadlay arrintan ayaa waxay qaarkood sheegeen in isagu uu xaq u leeyahay inuu go’aansado inuu xilka ka tago iyo in kale, waxaana dadkaas ka mid ahaa guddoomiyaha xisbiga NRM ee talada haya iyo xildhibanno ka tirsan baarlamaanka Yugandha, gaar ahaan kuwa ku jira xisbigiisa.
Mr. Museveni ayaa wareysigiisa waxaa kale oo uu ku sheegay inuusan isagu awoodda dalka Yugandha ku heysan si khasab ah, mar uu arrimahaasi ka hadlayeyna waxa uu yiri “Maxaa muhiim u ah dadka reer Yugandha?, isagoo isu jawaabayaa waxa uu yiri “Waxaan la loolamayo waa horumarka dalka ee ma ahan inaan Madaxweyne noqdo”.
Hadalka ka soo yeeray Musaveni ayaa siyaasiyiin badan oo ka hadlay waxay ku sheegeen inay calaamad u tahay burburka Afrika oo caan ku noqotay in askari kasta waxa uu dhiso uu dib u burbursho, iyadoo dhibaatada qeybta ugu badan ay leeyihiin la taliyaashooda oo wax kasta uu yiraahdo Madaxweynahoodu uga jawaaba haa waad ku saxantahay.
Yoweri Museveni ayaa awoodda dalkiisa la wareegay sannadkii 1986-kii, isagoo ka mid noqonaya hoggaamiyeyaasha Afrika ee awoodda dalalkooda muddada dheer heysta. wuxuuna u tartamay xilka madaxnimo ee dalkiisa muddo afar jeer ah.

Dowladda Jarmalka ayaa sheegtay inay Soomaaliya u soo direyso saraakiil ciidan si ay tababar ugu fidiyaan ciidamada dowladda KMG Soomaaliya iyo kuwa AMISOM si ay gacanta ugu dhigaan ammaanka guud ee dalka Soomaaliya.
Wargaysa The Stander ee ka soo baxa dalka Yugandha ayaa sheegay in dowladda Jarmalku ay sheegtay inay ka go’an tahay taageeridda iyo meel marinta in si buuxda loo hergeliyo soo celinta ammaanka dalka Soomaaliya.
Wasiirka gaashaandhigga daka Jarmalka oo warfidiyeenka la hadlay ayaa sheegay in dowladdiisu ay saraakiil gaareysa 20-sarkaal ay u soo direyso Soomaaliya, kuwaas oo uu sheegay inay ku xeeldheeryihiin tababaridda ciidamada, wuxuuna intaasi ku daray wasiirku inay ka taageerayaan ciidamada dowladda KMG dhanka Militariga si loo wiiqo awoodda Xarakada Al-shabaab ee dalka Soomaaliya ka dagaalanta.
Sidoo kale wasiirku waxa uu sheegay in 20-kan sarkaal ay dalka Soomaaliya tagi doonaan dhamaadka bishan April amaba bisha soo socota bilowgeeda, wuxuuna intaasi ku daray in arrinka saraakiishan ay kala hadleen dowladda KMG iyo taliks guud ee ciidamada AMISOM oo uu sheegay inay isku afgarteen qaabka uu noqoayo tababarka.
Dhinaca kale wasiir ku xigeenka Gaashaandhigga dowladda KMG Soomaaliya Maxamed Cali Catoosh ayaa sheegay inuusan ka warqabin ciidamo Jarmal ah oo dalka Soomaaliya imaanaya, wuxuuna dhinaca kale difaacay joogitaanka ciidamada Itoobiya oo uu sheegay inay caawinayaan dowladda KMG Soomaaliya.
“Shaki kuma jiro inay baxayaan ciidamada Itoobiya, laakiin hadda dowladda KMG ayey caawinayaan, marka ammaanka dalka Soomaaliya la sugo way baxayaan, laakiin anigu ku talin maayo in hadda la yiraahdo ciidamada Itoobiya ha baxaan iyo maxay u joogaan dalka Soomaaliya” ayuu yiri wasiir ku xigeenka Gaashaandhigga dowladda KMG Soomaaliya.

Wasaaradda Dastuurka, arrimaha Federaalka iyo Dib u heshiisiinta dowladda Soomaaliya ayaa sheegtay in meel gabogabo ah uu marayaan soo xulidda odayaasha dhaqan ee ka qeyb qaadanaya ansixinta Dastuurka dalka.
Wasiir dowalaha Dastuurka Arrimaha Federaalka iyo Dib u heshiisiinta Xukuumadda Soomaaliya mudane Xasan Maxamuud Jimcaale oo warreysi siiyay Radio Muqdisho, ayaa sheegay in soo xulidda odaaysha dhaqan ee ka qeyb qaadanaya Ansixinta Dastuurka dalka ay meel gabgabo ah marayaan, isla markaana inta badan lagu guulleystay, isagoo sheegay in si cadaallad ah arrintaasi lagu salleeyay.
Wasiiru dowlaha ayaa tilmaamay in fahanka shacabka Soomaaliyeed ee ku aadan Dastuurka in hadda meel wanaagsan uu marayo, waxa uu carrab ku dhuftay in fikirrada ay ummadda Soomaaliyeed ka dhiibaanayaan Dastuurka  muhiim u tahay dhaqan gallintiisa.
Xasan Maxamuud Jimcaale ayaa xusay in la qaban doono shir weyne ka dhacaya gudaha magaalada Muqdisho, isla markaana lagu Ansixin doono Dastuurka dalkeenna uu yeellanayo, waxa uuna ku cel celiyay in nimaadka cadaalladda aysan ka leexan doonin.
Dhinaca kale wasiir dowlaha Dastuurka ayaa hoosta xariiqay in dhammaanka bishan la soo dhammeystiri doono qabyo qoraalka Dasruurka, waxa uuna ka rajeeyay in uu noqdo Dastuur horseed u noqda minimada Soomaaliya.
Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-
Yurub                                            +442035190460
USA & CANADA                         +17124327760
 

Abaanduulaha ciidamada xoogga dalka Soomaaliya Gen. C/kariin Yuusuf Aadan {Dhego-badan} ayaa shalay sheegay inay caalamka weydiisanayaan dhaqaale hubka looga iibiyo shacabka, ka dib hadal uu ka jeediyay kulan ammaanka looga hadlayey oo  shalay Muqdisho ka dhacay.
Kulanka oo ay ka qeybgaleen taliyayaasha hay’adaha ammaanka ee dowladda KMG iyo taliyaha AMISOM ayaa waxaa looga hadlayey waxyaabihii qabsoomay seddexdii bilood ee la soo dhaafay iyo qorshayaasha horyaala seddexda bilood ee soo socda.
“Waxaan qabaa mar haddii dal sidan oo kale noqdo in hubka gacanta ugu jira dadka rayidka ah laga iibiyo oo caalamka uu dhaqaale ku bixiyo sidii dadka qoryaha looga iibin ahaa, waayo ninka hantidiisii wuxuu gashtay qoriga iyo hub, wuuna isku difaacay maantana si uu qoriga ku dhiibayo ma lahan, marka waa in dhaqaale looga iibiyaa” ayuu yiri Gen. Dhego-badan oo sheegay in dowladda KMG aysan awood u laheyn inay hubka qaaddo.
Sidoo kale waxaa ka hadlay kulanka taliyaha ciidamada AMISOM Jen. Fred Mugisha oo sheegay in seddexdii bilood ee la soo dhaafay ay wax weyn ka qabteen ammaanka Muqdisho, ayna rajeynayaan seddexda bilood ee soo socota inay gaarana goobaha ay ku suganyihiin Xarakada Al-shabaab.
“Xaaladda magaalada Muqdisho waa mid ka soo reyneysa, waxaana wadnaa qorshe aan ku dooneyno inaan deegaanada ku dhow caasimadda tagno” ayuu yiri Jen. Mugisha oo kulanka hadal ka jeediyay, waxaana kulanka ugu dambeyn ka hadlay agaasimaha hay’adda nabadsugidda dowadda KMG Axmed Macalin Fiqi oo sheegay inay wax badan ka qabteen falalkii ammaan-darro ee ka dhici jiray Muqdisho.

Hoggaanka, Socdaalka iyo Jinsiyadaha dowladda Soomaaliya ayaa sheegay in ay isaga soo taryaan dadka Soomaaliyeed ee dib laagu soo celinayo gudaha dalka kaddib markii dowladdaha reer galbeedka shaki weyn ka qaadeen dadka Soomaalida ah.
Taliyaha hoggaanka, Sodaalka iyo Jinsiyadaha dowladda Soomaaliya General C/llaahi Gaafoow Maxamuud oo la hadlay Radio Muqdisho ayaa sheegay in dadka Soomaaliyeed ee u anbabaxa dalalka Yurub iyo America dib loogu soo celiyo dalka, taasi oo uu sheegay in ay dhibaato ku tahay shacabka.
Sidoo kale waxa uu tilmaamay in  dalalka reer galbeedka ay shaki weyn oo la xiriirnayo argagixiso ay ka qabaan dadka Soomaalida ah, taasi oo xusay in ay sii dheertay Soomaalida oo iyana si sharci darro ah u galla dalalka laga soo musaafurriyo.
General Goofoow ayaa hoosta ka xariiqay in Waaxda hoggaanka, Socdaalka iyo Jinsiyada aysan aqoon sabab ay muwaadiniintaasi Soomaaliyeed ee dalkooda lagu celiyay  dib ugu sii celiyaan, balse baaritaanno ay marsiyeen dhammaan dadkii soo gaaray gudaha garoon Aadan Cadde International Airport.
Shalay ayaa garoonka diyaaradda Muqdisho ay ka soo daggeen Sagaal muwaadiniin Soomaali ah oo laga soo masaafurriyay dalka Mareykanka oo ay markii horrey ku galleen nimaad sharci darro ah, waxaana arrintasi ay dhibaato xooggan ku tahay Soomaalida ku suu qul qulleysa dalalka Yurub iyo America, maadaama hadda Soomaalida dib loogu soo celinayo dalkooda.
Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-
Yurub                                            +442035190460
USA & CANADA                         +17124327760
 
 

Ugu yaraan laba ruux ayaa ku dhimatay qarax ismiidaamin ah oo saaka ka dhacay magaalada Baydhabo ee xarunta gobolka Baay.
Labada qof ee qaraxa ku dhintay ayaa kala ah, ruuxii ismiidamiyay iyo askari ka tirsan ciidamada dowladda KMG ah.
Qaraxa ayaa ka dhacay albaabka hore ee Madaxtooyada Baydhabo, halkaas oo ay dagan yihiin saraakiisha ciidamada dowladda KMG ah, maamulka gobolka Baay iyo ciidamo Itoobiyaan ah.
Ninka is qarxiyay ayaa la sheegay inuu doonayay inuu gudaha u galo Madaxtooyada, balse ay celiyeen ciidamada ilaalada u ah xarunta.
Qaraxa ayaa dhacay xilli askariga dhintay uu rabay inuu baaro ninka ismiidaamiyay.
Saraakiisha dowladda ee Baydhabo ayaa sheegay in qaraxa ka dambeysay Alshabab uuna fashilmay.
Waa markii ugu horaysay ee qarax ismiidaamin ah ka dhaco Baydhabo tan iyo intii laga saaray Alshabab.

sida ay maanta qortay jariidadda lagu magacaabo al-riyadh kana faaloota arimaha caafimaadka xoolaha hoos-timaadana wasaarada caafimaadka ee dalka boqortooyada sacuudi carabiya ayaa waxa ay maanta boggeeda hore soo saartay sawirro xoolo sida geela ariga iyo lo’da isla-markaana ay ku soo ban-dhigtay 12 dal calamadooda oo ay ugu ogolaanayaa in dalka sacuudiga ay keensan karaan xoola-hooda
Wasiirka Beeraha iyo Xanaannadda Xoolaha ee dalka Boqortooyada Sacuudi Carabiya Dr. Khalid Al-Fahiid Ayaa sheegay in dowladdiisu soo saartay qorshe cusub oo xoolaha lagu keeni doono dalkooda isla-Markaana ay joojisay in la-iska keeno xoolaha isagoona xaqiijiyay in 12 Dal kaliya ay keen-san karaan Dalka Sacuudiga xoolahooda si loo iibsado
Dr. Khaalid Al-Fahiid ayaa sheegay in dalalka ay ka mid yihiin Soomaaliya ,Jabuuti ,Shiinaha ,Arjantiin ,Eretria, Brazil ,New-Zealand ,Australia loo ogolaaday in ay iibsi Ahaan u keen-saddaan Sacuudiga xoola-hooda gaar ahaan Ariga halka Dalalka Sudan, Soomaaliya, Masar, Pakistan, Jabuuti iyagana loo ogolaaday in ay dalka Sacuudiga iib ahaan u keen-saddaan Geela
Sidoo kale Dalalka Soomaaliya, Sudan, Shiinaha, New-Zealnd, Arjantiin, Australia, Uruguay ayaa iyana loo Ogolaaday in dalka Sacuudiga ay u iibsi ahaan u keen-saddaan Xoolahooda gaar ahaan Lo’da sidaasi Waxaa lagu shaaciyay Jariidadda Al-Riyadh ee ka soo baxda magaalada Riyaad ee dalka Sacuudiga.

Hayeeshee dalka Soomaaliya waxa ay ku jirtaa Dalalka laga qaadanaayo dhammaan noocyadda kala Duwan ee Xoolaha sida Geela,Ariga Lo’da waxaana taa ay fursad wanaagsan oo u soo hoyatay dhammaan Shacabka Soomaaliyeed meel-walba oo ay joogaan gaar’ahaan Ganacsatadda Xoolaha u iib geyn jirtay Dalka Sacuudiga oo maal-mihii ugu danbeeyay mugdi ku jiray
Abdi Nasir Ahmed Aden
nasirdc@hotmail.com
Doha-Qatar 

Kadib markii Maalinimadi shalay garoonka Diiyaaradah ee magaalada Mqudisho laga soo dajiye 9Muwaadiniin SOomaali oo laga soo masaafuriye dalka mareekanka oo in mudo kunoolayeen aya waxa faa faahin kabixiye laanta socdaalka ee Jinsiyadaha ee Dowlada KMG Soomaaliya.
Taliyaha Waaxda socdaalka iyo Jinsiyadaha dowladda KMG Soomaaliya C/laahi Gaafoow Max’ud ayaa kawarbixiye qaabkii muwaadiniintan losoo masaafuriye waxaana oo qiray in aan heeysan wax sharciyo isla markaa maxkamada dalka mareekanka Go’aan ku gaartay in dib dalkooda ugu celiso muwaadiniintan.

C/laahi Gaafoow Max’ud ayaa sii raaciye in Dowlada mareeknak kale hadleyn kahor inta aan lasoo celin waxaana oo sheegay in wax shaqo ah kulaheyn islamarkaana uusan garaneen wax uu kula hadlo dowladda dalkeeda kasoo masaafurisay oo hadana sheegeysa in dhalinyaradaani aysan u ahayn wax sharci ah.
Waa markii ugu horeysay oo Muwaadiniin Soomaaliyeed oo ku nool dalka Maraykanka dib loogu soo celiyo Soomaaliya lamana oga saamayn arintaani ay ku yeelan karto dadka Soomaalida ah ee dalkaasi ku nool.

A 40-year-old Buffalo man is behind bars, accused of beating his stepson to death. The body of 10-year-old Abdifatah Mohamud was discovered in the basement of a Guilford Street home Tuesday night around 10:45 p.m. by police. Buffalo Police responded to the home after receiving a 911 call of a missing 10-year-old boy.
“They found a deceased 10-year-old male in the basement of the house and there were obvious signs of foul play where the deceased was found,” said Buffalo Police Chief of Detectives Dennis Richards.
Buffalo Police say the child’s stepfather, 40-year-old Ali Mohamad Mohamud, was a suspect in the case and was located at headquarters of the Buffalo News, where he works as a security guard, within an hour of the call. Police say Mohamad Mohamud is from Somalia, and there was initial concerns he would flee the area, but police arrested him without incident. The 40-year-old gave a statement to police, allegedly admitting he bound up the 10-year-old, stuffed a sock in his mouth and covered it with duct-tape before beating him to death.
“I can’t imagine what a 10-year-old could do to deserve, anyone really, to deserve death,” said Neighbor Audrey Robinson-Powell. “Especially an innocent child. I’m in disbelief to tell you the truth.”
The 10-year-old boy attended Buffalo’s International Preparatory School. According to administrators, the District’s Crisis Team joined the school’s Student Support Team to provide counseling for fellow students Wednesday.Mohamad Mohamud is now facing 2nd degree murder and plead not guilty to the charges against him. He’s expected back in court for a felony hearing Monday.

Ciidammo si gaar ah u Tababarran oo ka tirsan dowladda Soomaaliya ayaa xalay howlgal ballaaran ka sameeyay degmooyin ka tirsan gobolka Banaadir, iyadoo dhan kale taliska Nabad Suggida qaranka gobolka Banaadir uu faah faahin ka bixiyay holwgalkaasi iyo sida uu u dhacay.
Ciidammada sida gaar ah u Tababarran ee loo yaqaanno Alfa-group ayaa xalay howlgal ballaaran ka fuliyay degmooyinka Yaaqshiiq, Warta-Nabadda iyo Dayniile, halkaasi oo lagu soo qab qabtay kooxo lagu tuhunsan yahay in ay ka tirsan yihiin Al-Shabaab.
Ciidammada Alfa-group oo ah ciidammada ku Qalabbeysan Qoryaha Casriga ah, isla markaana wajiga u xiran yahay ayaa howlgalkooda waxa uu ahaa abid kii ugu ballaarnaa ee laga sameeyo Muqdisho, taliyaha Nabad Suggidda gobolka Banaadir Khaliif Axmed Ereg ayaa warbaahinta u xaqiijiyay in howlgalkiii xalay ay sameeyeen ciidammada Alfa-group in uu ahaa ammar ka soo baxay guddiga amniga qaranka.
Waxa uu xusay in howlgalka uu si gaar ah uga dhacay xaafaddaha kala ah Xamar Jadiid, Wadda Warshadaha, Ifka Xalane, Gubta iyo xaafaddo kale, waxa uu intaa ku daray in lagu soo qab qabtay kooxo falal amni darro ah faraha kula jiray, isla markaana howlgalka uu sii socon doono.
Dhinaca kale taliyaha Nabad Suggidda gobolka Banaadir Khaliif Axmed Ereg ayaa hoosta ka xariiqay in howlgalladani ay yihiin kuwa is daba joog ah oo lagula dagaallamayo Al-Qaacidda iyo cid walba oo amni darro ka shaqeeneysa, isagoo intaa ku daray in Muqdisho dib dambe aysan  uga dhicin doonin dil sharci darro ah.
Hadii Aad Joogtid Europe,USA iyo Canada Wararka iyo Barnaamijyada ka baxa Radio Muqdisho ee ku dhaafa ka Dhageyso Taleefonkaaga adigoo garaacaya:-
Yurub                                            +442035190460
USA & CANADA                         +17124327760

Kullan xasaasi ah ayaa wuxuu xalay ka dhacay Aqalka Madaxtooyada ee Villa Somalia, kaasoo u dhaxeeyay Madaxweynaha Dowladda Kmg ah ee Soomaaliya, Golaha Wasiirada iyo Saraakiisha Dowladda Kmg ah ee Soomaaliya.
Kullankaan oo mid xasaasi ahaa ayaa waxaa si weyn looga hadlay ammaanka Magaaladda Muqdisho, sidii lagu adkeyn lahaa, sidii Xoogaga Shabaab looga hortaggi lahaa iyo iyadoo kullankaan lagu soo dhaweeyay Ansaxinta Dastuurka Maamulka Puntland.
Madaxweynaha Dowladda Kmg ah ee SOomaaliya Mudane Shariif Sheekh Axmed, oo kullanka ka dhacay Villa Somalia ka jeediyay hadal-dheer, ayaa wuxuu marka hore uu sheegay in ammaanka Magaaladda Muqdisho uu wanaagsan yahay, isagoona taasi ku ammaanay Saraakiisha Dowladda.
Madaxweynaha ayaa wuxuu tilmaamay in goor dhaw Magaaladda Muqdisho lagu ansaxin doono Dastuurka cusub, isagoona sheegay inuu doonaayo inuu arko ammaanka Magaaladda Muqdisho oo si weyn loo-adkeeyay, bacdamaa uu sheegay inay ka soo qeyb-gelli doonaan Masuuliyiin sar sare.
Kullankaan kadib ayaa waxaa Saxaafadda la-hadlay Wasiirka Wasaaradda Arrimaha Gudaha ahna Amniga Qaranka ee Xukuumadda Kmg ah ee Soomaaliya Mudane C/Samad Macalin Maxamuud Sheekh Xasan Faarax.
Wasirka ayaa wuxuu ka warbixiyay waxa ay ka hadleen iyo waxa rasmiga ah ee ay isku raaceen, isagoona sheegay inay isku raaceen sidii loo-adkeyn lahaa ammaanka Magaaladda Muqdisho iyo sidii loogu qaban lahaa Ansaxinta Dastuurka Qabyo qoraalka.
Ummada Somaliyeed ayaa waxay dareen xoog leh ay ka muujisay Dastuurka Qabyo Qoraalka, kaasoo la-sheegay inay khaldan yihiin aas aaskiisa, iyadoona durbaba ay shacabka Somaliyeed si weyn uga soo horjeesteen.

Kooxda Al-Shabaab ayaa sheegtay in ay ka heleen deegaanka Siinkadheer ee duleedka magaalada Muqdisho hub fara badan oo lagu aasay guri ku yaala halkaasi.
Afhayeenka Al-Shabab, C/casiis Abuu Muscab ayaa sheegay in ay ka heleen god ku dhex yaala gurigaasi hubki ugu badnaa ee waayahaan soo mara, isaga oo ku sheegayna hubkaasi in ay lahaayeen cadawga sida uu hadalka u dhigay.
Cadawga muusan faah faahin wuxuu kala jeeday, balse dadka qaar ayaa u fasirtay dowlada KMG Soomaaliya iyo ciidamada ajnabiga ah ee la safan.
“Mujaahidiintu howlgal ayey ka sameeyeen Siinkadheer, guri weyn oo meeshaasi ku yaala gudihiisa, waxaan ka helnay god ay ka buuxeen hub iyo rasaas, waxaana ku tilmaami karnaa keydki ugu weynaa oo aan ka helno waayahaan Soomaaliya,” ayuu yiri.
Lama oga cida iska leh hubkaasi, iyadoo dadka qaar ay su,aalooyin iska weydinayaan sida ay ku suura gali karto in dowlada Soomaaliya ama ciidamada ajnabiga ah ay hub ugu qarsadaan Siinkadheer oo ku dhexyaala caloosha deegaanada ay gacanta ku hayaan Al Shabaab.

Hargyesa (OWN)-   Caydaruus Maxamed Askar  oo ah wiil dhallinyaro ah ayaa saaka abaare 10:30  kii subaxnimo  ayaa si badheedha iskaga soo tuuray Birjjika 2aad ee magaalada Hargeysa .
Isaga oo ku dhacay dhulka hoose   ee biriijka  isaga oo si adag dhulka ugu dhacay . Caydaruus oo aan wax kaweydiinay sababta ku kalifatay in uu wax yeelada intan leeg isku gaysto waxa uu sheegay in uu ka soo horjeedo qaab maamul ee xukuumadda  haatan talada haysa .
Inkasta oo aanu sheegin habka uu  u diidan yahay .
Wiilkan dhallinyarada ah oo ay ka muuqatay bur-bur  xoogan oo soo gaadhay  jidhkiisa    ayaan hadal badan nasiinin .
Intaas ka dib waxa goobta soo gaadhay  ciidanka Booliska   iyaga oo  goobta ka gaadhi kaga qaaday,mar aanwax ka weydiinay  meesha ay gaynayaan waxa uu noosheegay in ay gayndoonaan dhakhtarka  si loo hubiyo xaaladiisa caafimaad
Cumar CaliXasan (Cumar Seerbiya)
Omarserbia1@hotmail.com
Oodweynenews.com/Hargyesa Office

Ciidanka nabadsugida dowlada Soomaaliya ayaa howlgalo ay xalay ka sameeyeen degmooyinka Wardhiigleey, Yaaqshiid iyo Daayniile kusoo qab qabtay hub iyo dhalinyaro lala xiriirinayo Al-Shabaab.
Taliyaha ciidanka nabadsugida gobolka Banaadir, Khaliif Axmed Ereg ayaa sheegay in ay ugu suura gashay howlgal gaar ah oo ay xalay fuliyeen ciidamada loo yaqaano gaarka in ay ku qabtaan hub, walxaha qarxa iyo dad uu ku tilmaamay nabad diid.
“Howlgal balaaraan oo hey’ada nabadsugida ka waday degmooyinka Wardhiigleey, Deyniile iyo Yaaqshiid ayaan ka shaqeyneynay ayaan kusoo qabanay dad badan oo nabad diidka ah iyo walxaha qaraxa oo ay dhulka geliyeen, sharciga ayaan geyneynaa howlgalkana waa mid gaar ah” ayuu yiri.
Wuxuu sheegay in howlgalkaan uu sii socon doono lagana fulin doono dhamaan degmooyinka gobolka Banaadir.
“Dhamaan howlgalada 16-ka degmo ee gobolka waan ka fulineynaa, waxaana wax ka qabaneynaa kuwo dadka dhibay nabadana kasoo horjeedo, waxaan jecelnahay in qof walba isaga oo xor ah uu gurigiisa hor fariisto,” ayuu yiri.
Waa howlgalki ugu horeeyey oo ay ciidanka nabad sugida si isku mid ah uga fuliyaan sadexdaasi degmo todobaadyadi lasoo dhaafay.

Madaxweynaha Soomaaliya, Shariif Shiikh Axmed ayaa sheegay in xarunta Gaadiidka Booliska ee degmada C/casiis lagu qaban doono shirweynaha ansixinta dastuurka Soomaaliya.
Shariif oo halkaasi shir jaraa’id ku qabtay ayaa sheegay in ka hor 25 bishaan la gaba gabeyn doono howlo dayactir ah oo ka socdo xarunta si loogu diyaar garoobo shirweynahaasi oo bilaaban doono 15-ka bisha May.
Wuxuu sheegay qarashka ku baxayo dayactirka xarunta in ay bixineyso dowlada Turkiga oo uu uga mahad celiyey dadaalka dib u dhiska ah ee ay ka wado magaalada Muqdisho.
Madaxweynaha ayaa sheegay in dastuurka Soomaaliya uu noqon doono mid u gaar ah dalka isla markaana aysan jirin dastuur la waafajin doono, taasi oo lid ku ah war dhawaan kasoo baxay madaxweynaha Puntland iyo wasaarada dastuurka oo sheegay in la is waafajin doono labada dastuur.
Xarunta gaadiidka booliska ayaa sanadki 2007 lagu marti geliyey shirweynihi dib u heshiisiinta xiligaasi oo ay marti gelisay dowladi uu madaxda ka ahaa madaxweynihi geeriyooday C/laahi Yusuf Axmed.

Xarakada Al Shabaab ayaa waxay maanta toogatay Allaha u naxariistee Maxamed Samaan, iyadoo ku eedeysay in uu xiriiro dhaw dhaw uu la-lahaa Dowladda Kmg ah ee Soomaaliya.
Maxamed Samaan oo ahaa Taliyihii Saldhigga Booliska ee Degmada Waajid ee Gobolka Bakool ee Dowladdii C/Laahi Yuusuf, ayaa waxay Xoogaga Shabaab ay ku eedeeyeen in uu ka tirsan yahay Dowladda Madaxweyne Shariif.
Hase yeeshee Maxamed Samaan ayaa wuxuu shaqada uu iskaga tagay markii uu iscasilay Madaxweyne C/Laahi Yuusuf Axmed, wixii waqtigaasina ka dambeeyay wuxuu ku noollaa Degmada Waajid ee Gobolka Bakool.
Xarakada Al Shababa ayaa waxay mar walba ku eedeyn jirtay in uu ka tirsan yahay Dowladda Kmg ah ee Soomaaliya, ee uu Madaxweynaha ka yahay Mudane Shariif Sheekh Axmed, oo ay dagaalo culus kula jiraan.
Laakiin Maxamed Samaan ayaa wuxuu mar walba dhihi jiray “Dowladda kama tirsani, mana u shaqeeyo, haddii aan Dowladda ka tirsanaan lahaa maba sii joogeyn Degmada Waajid, ee waxaan u jooggaa shacabka ayaan ka mid ahay”.
Balse Xoogaga Shabaab oo ah kuwo aad u adag adag, fikir khalafsana aamisan, ayaa waxay maanta weerareyn guriga Maxamed Samaan ee uu ku lee yahay Degmada Waajid ee Gobolka Bakool, iyagoona ku toogtay banaanka hore ee gurigiisa.
Shalay ayay ahayd markii Xoogaga Shabaab ay Deegaanka Ceel Cadde ee duleedka Magaaladda Garbahaarey ay ku gawraceyn Allaha u naxariistee Yaxye Xuseen Isaaq, oo ka mid ah Nabadoonada Somaliyeed ee sida weyn leh looga yaqaano Gobolka Gedo.

Waxaa maalmahan loo wada xusul duubayaa ama xawli loogu jiraa, sidii loo
soo xuli lahaa gudiyada marxaladda kala guurka ah, si ay u qabtaan
hawlo badan oo aad u adag, labo ayaase ugu muhimsan gudiyadan, kalana
ah: Ansixinta Dastuurka qabyo qoraalka ah iyo soo Xulidda Xildhibaanada.
Intaanba hawshii la gudagalin, ayaa waxaa dhashay tuhun iyo farfiiq,
eedda ayaa dhalatay, ka dib markii la furay Sayladda Suuqa lagu kala
iibsanayo Odayaasha loo igman doono hawlahan.
Inta aanan abbaarin arrimahan, waa muhim ah, inaan dhawr qodob
duljoogsado, oo aan is leeyhahay in la qeexo waa lagama maarmaan, maxaa
yeelay, waxaa isku dhex miliqsan arrimo badan, ujeed iyo ogaalna la
isugu daray, waxyaabaha qaarna laba maldahay! Illeen wax aan dani ka
dambayn ma jiraane.
Marka laga soo tago; abaaraha, gaajada, colaadaha, dagaallada iyo
dhibaatooyinka guud ee Soomaaliya hareeyey, waxaa lala eegtay sadax
arrimood, oo kala ah:
-Dawlado ku meel gaar ah: Labaatanka sano ee burburka lagu jiro, dalka
waxaa soo maray ku dhawaad shan dawlado ku meel gaar, dhaqan ahaan iyo
maskax ahaanba, ku meel gaarka, waxay ahayd inay ka dambayso marlaxad
nagi iyo deganaansho, haddii markii hore loo baahnaa in heerka la joogo
laga gudbo, loona baxshay ku meel gaar, si loo caddeeyo inaysan ahayn
daa’in iyo wax waligeed sii soconaya, balse,  ayaandarrada Soomaalida ku
habsatay ayey ka mid tehee, waaba la daa’imiyey.
-Shirar dib u heshiineed: Sida tan hore mugdiga dad badan uga jiro, tan
waxaan filaa inay tahay bannaanyaal iyo wax iska cad. Shirarka la qabtay
iyo sanadaha burburka lagu jiro marka aad is garabdhigto, waxaad ogaan
inaysan kala badnayn oo iska daba dhaw yihiin, kana dhigan qiyaastii in
sadaxdii sanaba mar shir la qabanayey, heer ay noqdeen shirirkani
qubanayaal madashoodaaan la faaruqin, loona madlan yahay dhawr gu’ ka
dibba.
-Ergay cusub: Lixdii sanee u dambaysay, waxaa la soo magacaabay sadax
ergay, oo uu ugu dambeyo mudane Mahiga, haddaad gadaal sii qooraansatana
qoorta ayaa ku daalaysa kaliya, waxaaba laga yaabaa inaad tirin weyso,
dabcan, ujeed la’aan ma ahan, dhammaan qodobadan aan soo xusay, mid
walba waxaa laga leeyahay dan gaar ah, aan isku dayno inaan fahamno. Kan
hore, ee  “ku meel gaarka” waa waligaa garab rarato iyo geeddi ha ka
gudbin. Kan labaad, ee “Shirarka dib u heshiineed” waa waligaa gabraarta
shisheeyaha ha ka guurin. Kan ugu dambeeya, ee “Ergay cusub, waa
waligaa basaas ha noo kaa dhex joogo.
Arartan gaaban ka dib, aan u daadego dulucda qormada, oo u badnaa doonta
tilmaamo iyo talooyin. Sidaa awgeed, waxaan ka sii cudurdaaranayaa
qofkii aan igu aragti ahayn, inuusan ii ciilloon, maya, inuusan iga
caroon. Ujeedku ma ahan qof iyo qabiil, kali iyo koox. Waxaanse farta ku
fiiqi doonaa meelo badan, waana midda aan ka sii afeefanayo, illeen waa
tii la yiriye: “Hadalkaaga hortiisa afeef ayaa la dhigtaa, Gurigaaga
hortiisana ood”.

Marxaladda Kala guurka ah

Laba sano oo ku meel gaar ah ka dib, iyo sanad “Kampala Accord” loogu
waqlalay, ahaase xadgudub ka dhan ah Dastuurka Dawladnimada iyo
Dadnimada, maadaama mudaduu madax ahaan lahaa dhammaystay, haddana
Kaadir Musaveni ayaa u kordhiyey, inaw Meles ogaana maanka ku hay.
Iminkase waxaa la marayaa gabagabadii gugaa Musafani gooyee, maxaa
goobta lala iman?.
Weydiinta madaxa daalinaysa ayaa ah: (Horta Ku meel gaar inaan ka baxno
yaa dani ugu jirtaa? Ma anaga [Soomaalida] Mise Shisheeyaha [Dunida])
Aayaheenu wuxuu mar walba ku xiran yahay hadba warcelinta laga baxsho
weydiintan, micnaha labada dan midda xoog yeelata ayaa xarigga noo
qaban, aanse kala qaadee, haddii anaga dani noogu jirto, ma leenahay
hoggaan xilkas ah? Ma leenahay madax qaran? Ma leenahay Maamul adag
amaba jira? Ma leenahay ......? Ma leenahay......? Ma leenahay....? Ma
leenahay....? Ma leenahay....?.
Haddiise ay dani ugu jirto shisheeyaha, haddaa, maxaa loogu dig iyo dam
leeyahay? Maxaa loogu wada hamuun qabaa? Wax aan dhibkiisa mooye,
dheeftiisu muuqan, maxaa loogu wada dhadhabayaa? Waan filaa inay dad
badan u caddahay raggan aqoon yahanka lagu sheegayo, inay yihiin
dullaaliin daboolan, oo ay dhammaan wada matalaan shirkado shisheeye.
Maxaa yeelay, mid walba markuu yimaado, wuxuu heshiis la galaa shirkado
gaar ah, oo uu ka qaato xoogaa laaluusha ah iyo sandareerta yar.
Waxa loo wada xusul duubayo, ayaa ah in mar qura eraga: “Ku meel gaarka”
laga gudbo, danta laga leeyahay ayaana ah, in shirkadahan shisheeye,
wixii loo saxiixo aan lagu soo dabagalin, illeen wixii ay maanta la
saxiixdaan MAFIYADAN berri ayaa la duri karaaye, maadaama aysan wadanka
ka jirin dawlad buuxda, haddaba aqriste, ma kula qumman tahay in
xeeladdaasi meel marto?.
Dal aysan deganaan guud iyo mid gaaraba ka jirin, waa yaabe: sidee uga
gudbaa ku meel, markii horaba la galiyey? Aqriste, armaad is tiraa,
ninkani waa kuwa buka ee qaba, in dalka Maxmiyad la galiyo! Maya, bal si
kale u eeg, armaanba hadda Maxmiyad aan magacaabnayn ku jirnaa? bal
sadarrada sare aqriska ku celi. Hubaal inaad garan, inaannaan gob madax
bannaan ahayn.
Marka laga soo tago caddaanka dalka Badda iyo Cirka ka eegta, wadanka
waxaa maamulan jirtay Xabashi, hadda waxaa wadaag la noqotay Ugand iyo
Kenya, ninkay caad ka saaran tahay, ha u fiirsho qaabka wadanka loo
maamulayo, hase ku kadsoomin magac bixinta aan meelna haysan;
Madaxweyne, Ra’isul wasaare, Wasiirro, Xildhibaanno IWM.

Guddiga Dastuurka

Ugu horrayn, tirada guddigan iyadoo lagu wareersan yahay, ayaa waxaa noo
koobay Wasiirka Dastuurka iyo Dib u Heshiisiinta C/raxmaan Xoosh
sheegayna in ay horay u ahaayeen soddon qof [30], haddana ay yihiin
sagaal qof [9] oo uu ku tilmaamay “khubaro” -Sir iyo caad ogayaal- waa
siduu hadalka u dhigee, sagaalka sargaal wuxuu ka xusay mudanayaashan
-oo dabcan uu wada ammaanay-: Caasha Kiin Faarax Ducaale, Prof jawaari,
Dr Cali Siciid Faqi, Shukri Diini iyo Xannaan.
Guddigan waxaa la magacaabay markuu dhammaaday shirkii dib u
heshiisiinta ee Kenya lagu qabtay sanaddii 2004-tii, waxaa lala
magacaabay guddiyo gaarayaa ilaa saddax iyo toban guddi, waxaa ka mida
guddiyadaa Guddi dib u heshiisiinta.
Dawladda Shariif ayaa isku dayday inay guddiga xubno ku darsato, la
laaqa Dhariga la Karinayo, qas iyo qalalaasaba ha looga jeedee, waase ku
guuldarraysatay! Haddaba su’aasha ayaa ah: Guddigani awoodda intaa la
eg siduu ku helay? Xaggeese ka keenay?.
Mid aan sir ahaynse aan sheego, in guddigani maalintii la aasaasay ilaa
iminka uu mushaar joogta ah qaadanayey, taa kaliya ma ahan, Guddigani
waa ka safar badan yahay madaxda dawladda, oo haddaa, yaa ka bixiya
qarashka safarka? Maya, horta sidooda yaa biila? lacagta ku baxda xaggee
laga keenaa? Xafiiskee siiyaa? Guddigani Xafiiskoodu xaggee ku yaallaa?
Mise waa garab rarato Lap Top-ku Kilkisha ugu jiro, walina aan gaarin
iPad!
Warar aan la xaqiijin ayaa tilmaamaya, in Guddigan maalintii la
magacaabay ilaa maantadan ay ku baxday qarash badan, aqriste lacagtu ma
yaree, bal kurisga xajiso, inta aanan kuu sheegin, waa inaan kuu sii
digaaye, waxaa lagu beelay beeso dhan hal Malyan oo Dallar [1Milyan$]
haddaba yaan la oran dalku muxuu Sabool u yahay? Illeen Yuubatadan ayaa
wixii soo galiba u yuurartee!

Dastuurka qabyo qoraalka ah

Dastuurkan waxaa lagu madalsan yahay, in la soo bandhigo bartaha bisha
may ee foodda nagu soo haysa, sidaa awgeed, mashaqada ugu darani way soo
socotaa, oo waxan ay Dastuurka ku sheegayaan, waxaa ku jiro qodobo
aysan iyagu qorin, sida ka muuqatana ay qorteen dalalka dariska ah,
qodobada qaarna waxaaba qortay qabiillada qaarkood, oo aadba moodda inay
ku fillaa waysay, sadbursiga ay maanta ku hayaan beelaha intooda kale,
awal ayaanba qaati ka taagnayn afar iyo bare, ma waxay noo soo wadaan
goosgoos aan gabina gaari karin?.
Balaan ku hormaro qodobka la yaabka leh ee ah: “Jinsiyadda/Dhalshada” Dastuurka qabyo qoraalka ah waxaa ku qoran sidan:

CUTUBKA 2AAD-JINSIYADDA

Qodobka 11aad-U-dhalashada Jinsiyadda

(1) Qof kasta oo ku dhasha gudaha Jamhuuriyadda Federalka Soomaaliya, dhalasho ahaan waa Soomaali.

Qodobka 12aad-Muwaaddinnimada lagu heli Soomaaliyeynta

(3) Qofka shan sano oo taxane ah, si sharci ah Soomaaliya u degganaa,
buuxiyeyna shurrdaha sharciga Jinsiyadda, xaq ayuu u leeyahay inuu
dalbado Soomaaliyeyn.
(4) Shardiga shanta sano ee uu qofku xaq u yeelanayo in lagu
Soomaaliyeeyo guur ama deggnaansho kuma xirna in uu buuxiyey ka hor ama
ka dib taariikhda dhaqangalka Dastuurka.
Balaan jeexjeexo qodobka Jinisyadda, mid waa inaan isla wada qirnaa,
inaan nahay dal xitaa aan SABOOL lagu tilmaami karin, intaa waxaa noo
sii dheer, inaan ku jirno dawladaha dhan walba ku fashilmay, haba ugu
darnaadaan dhanka ammaanka, maamulka iyo garsoorka, waaba haddii
raadkood la hayee.
Sidaa waxaan u leeyahay, qofka marka uu mudnaado Jinsiyad/Dhalasho,
wuxuu yeelanayaa xuquuq uusan markii hore lahayn, maya, wuxuu la mid
noqonayaa Muuwaadinka Soomaaliyeed, ee aan la Soomaaliyeyna. Haddaba,
miyeysan habboonayn inaan arrinta si fudud loo gudagalin? Waa midda
koowaade, dhaqaalo uma haynno, in qof walba oo shan sano na dhexjooga
aan dhalasho dhab ku siino. Anagii ayaa naf la caari ah, ee sideen dad
kale ku xammili karnaa? Aniga iima dhadhamin.
Midda naxdinta leh ayaa ah, in qodobkan ay qorteen dawladaha ay ciidanka
ka joogaan wadanka, si gaara Xabashida, oo danteedu tahay inay ku
yeelato Soomaalida dhexdeeda, dad badan oo la Soomaaliyeeyey, micnaha
dad asal ahaan ka soo jeedo wadankeeda, balse, xaq buuxa ku leh
Soomaaliya. Haddaba, maxaa ka horjoogsanaya in ay berri madax noqdo?.
Waxaan la yabaa dad badan oo muran ka kenay qofka Soomaaliga ah ee xil
qabanaya inaysan shardi u ahayn inuu Muslin ahaado! Waana meesha kaliya
ee laga hadlay ilaa iminka, waxaa ku soo xiga midda sadbursiga. Waaba
yaabe, dadkan maba u muuqdo wadankan xaraashka ah, ee la leeyahay qof
walba wuxuu noqon karaa Muwaadin Soomaaliyeed, sida iyo saabku muhim ma
ahan, waaba laguu sadrayee ku dul susub, sina ha uga seerayn.
Berri waxaa soo socda kuwa madaw iyo caddaan isugu jira, oo aan Soomaali
ahayn, lase leeyahay waa Soomaali, Muslinnimana haba sheegin warkeed,
oo xukunka qaban doona. Hadda ayeyba billaabatay, dad la siiyey
dhalshada, sida ay sheegayaan xog hoose oo laga helay Waaxda Jinsiyadda
ee Xamar, aanse ka wardhawrno maalmaha! Wallee inay wax riman yihiine.
Run ahaan, qodobkan wuxuu keeni doonaa in dad badan oo iminka Soomaaliya
jooga, ujeedna loo geeyey, ay berri ku doodi doonaan, inay Soomaali
yihiin, maxaa yeelay, waxay Soomaaliya deganaayeen in ka baddan shan
sano, oo uu Dastuurkani xadidayo, Qoraaga sare: C/qaadir Cusmaan Max’ud
(Aroma), ayaa Naynaas ahaan ula baxay (Oromo) isagoo ku muujinaya
Afrikaannimadiisa, kana cararaya Carabnimo ama Carabayn.
Markuu burburkii dhacay, ayuu ku baraarugay kuwa la leeyahay waa Oromo
masaakiin ah, oo dadkii qaarijin ku dhammeeyey, ka dibna, Naynaastii ku
badshay (Aromo) oo ah geed udgoon.
Malaha meeshii C/qaadir Cusmaan Max’ud (Aromo) uu ka dagaalamayey ayaan
maanta maraynaa? Maxaa yeelay, qodobkan waxaa ka dhalanaya in Ajaanib
badan ay xaq u yeeshaan dhalshada Soomaali. Hubaal in dad badan kugula
doodayaan, in ay jiraan Soomaali badan oo qurbaha ku haysta dhalsho
kale. Aanse caddeeyee, tan iyo kuwaas kala duwan, markaan yeelano
dhaqaalaha dawladahaa oo kale, ee aan dal dhisan iyo dad deggan yeelanno
ha la gaaro, ee maanta miyey mudan tahay in sheeko caynkaa ah Dastuur
naloogu qoro?
Waxaa jira dalal badan oo naga hodonsan, oo aan qodobkani u qornayn,
sida S.Afrika, Jappan, S.korea, Malesia, UAE IWM, kuwaaba kuma
degdegine, waa maxay kadlayntan anaga nagu jirta? Wallee inaan shaki ku
jirin, inay Xabashi qoratay qodobka Jinsiyadda/Dhalashada, ee
Soomaaliyeey, armay maanta ku habboon tahay, inaan raggan iska qabanno?.
Dhanka kale, dawlado reer Yurub ah, ayaanba ku bixin dhalashada shan
sano, ama kuba baxsha shantaa oo shuruudo lehe, sidey ku dhici kartaa
dal G8 [Dawldaha warshadaha ku hormaray] ku jira, sida Italia, in
dhalashada lagu helo toban sano oo degaansho ah, annagu aan shan sano oo
daganaashao ah ku bixinno? Aniga iima cuntamin, aqriste, adna?.
Waxaan gudcur ku jirin oo aan u baahnayn hillaabasho, in guddigan iyo
kuwa la mid ah, ay dalka ka dhigayaan mid aan la kala xigin. Ma kuu
joogaan Gaangaystarro aad isaga maaro waysay, waa laguu hayaa halkii aad
gayn lahayd, waa Soomaaliya. Ma leedahay kooxo Calooshood u
shaqaystayaal ah, waa laguu yaqaan meesha aad ku beeri lahayd, waa
Soomaaliya. Ma ku xiran tahay MAFIYA, waa laguu yaqaan meesha ay
mashaariicdiinnu ka hirgalayaan, waa Soomaaliya.

Fisha, qaybta xigta ee qormada.

Bashir M. Hersi
brdiraac@hotmail.com

Fikradu qoraaga ayaa iska leh

Meher Xadka Qudbasireedka Muxaadaro

From:
MrJamil27
Views:
2

0
ratings
Time:
01:12:30
More in
Entertainment

muxaadaro: