image:
Bismilaahi Alraxmaan Alraxiim.
S.C.W.R.W/B.
1-Waxaan tixdan ugu soo talagalay saaxiibada weli ku hadhay UDUB,
2-Dhamaanba dadku inay ka fiirsadaan cida ay codaynayaa.
3-Codka qofku waa masiirka ummada ee qofkast aa ha fiirsado xisbiga
uu u codaynayo, maantaa taladu gacanta ugu jirtaa.
1-Anigu UDUB baan ahaa
Ilamaa axdigii Cigaal,
Alloow naxariisaygii.
2-Albaabka siyaasadiyo,
Irrida laga soo galiyo,
Rag iyo arrinkii yaqiin.
3-Maxaa meel Aarr ka kacay,
Atoor ku ciyaarayaa,
Aduun iyo waayihii.
4-Anigaa isamkaw baxshoo,
Ogaadoo waxan ka tegey
Hogaankii markuu anbaday.
5-Afkuu isba doog ku cunay,
Abaar ka daboolayoo,
Dareemo ma eeggo diin.
6-Afkaan ku ammaanay shalay,
Imika kuma caayi karo,
Asluubtaydaan ahayn.
7-Ilaaha bay gari taqaan,
In badan way soo qabteen,
Haddaan la abaal ka darin.
8-Amaan bay inoo sugeen,
Ilamaa awdal iyo taleex,
Ardaa qudha bay ahayd.
9-Adkayn dumuqraadinimo,
Waxaan afrikiba aqoon,
Iyagaa ummadeena baray.
10-Ilamaa xil-wareejintii,
Aduunkay nagu bartoo,
ammaan iyo sharf ka hele.
11-Intii ehelkeed ahayd,
Hadday is abaabulaan,
Iloobaan wixii dhexmaray.
12-Ololihii kol haddii la furay,
Asxaabtu aloosan tahay,
Maantaba arrin ila gudboon.
13-Arrligu wuu ku eegayaa,
Inaadeer ha jeclaysaniyo,
Afkaaga wax maalingala.
14-Ogoow ugub ma ah ,oo,
Anigaa kuu qaban intaas,
Dhamaan way odhanayaa.
15-Aqooniyo raac waxqabad,
Ishaa kuu macalinoo,
Amaanuu codkaagu yahy.
16-Allena wuu ku eegayaa,
Ayaanu noqon eebo warana,
Hadhow oofaa ku jarra.
Ismail Abdillahi Handuleh (Sanweyne)
Entebbe/Uganda
handule@un.org
—————————————————–
Afeef: Aragtida maqaalku waa mid u gaar ah qoraaga, anaguna hadaanu Oodweynenews nahay waxaanu leenahay Magacaagu yuu noqon mid xumaan ka marag kaca, haka talin masiibiyo wax makhluuqa kalla dilla.