“ waxaanu Siin Doonaa $300 Dollar Ninkii Qaadka Cuni Jiray Ee Joojiya” Sheekh Aadan Siire

Hargeysa (OWN)- Sheekh Aadan Maxamuud Xiiray (Aadan Siire) ayaa sheegay in  sheegay in uu lacag baal marin ah siindoono raga cuna qaadka ee joojiya lacagtaas oo uu sheegay in uu ku dhiiri galinaayo sidii loo joojin lahaa isticmaalka qaadka.
Sheikh Aadan Siire waxa uu sidaas ku sheegay khudbaddii maanta uu ka jeediyey masaajidka quba ee  xaafadda Xawaadle ee magaalada Hargeysa  “ waan siin doonaa ciddii  Qaadka cunijirtay ee joojisa $300 oo dollar ,Waxaynu  uga jeednaa  sannadkan  jaaisado badan  ayaa laga bixin doonaa  Masaajidka, waxa ka mida jaa,isada Qaad joojinta  oo iyadu ah jaa’isada   lagu bixin doono  ayaa dhan  $ 300  Insha Allah” yuu yidhi Sheekh Aadan Siiro.
Masaajidka Quba ee uu imaamka ka yahay sheikh Aadan siire ayaa inta badan lagu qabtaa tar-tanno kala duwan gaar ahaan bisha ramadaan kuwaas oo lagu bixiyo abaal marino   ,  tar-tankan oo uu maanta ku dhawaaqay  Aadan siire ayaa noqonaaya kii ugu horeeyey ee noociisa ah  ee lagu qabto guud ahaan  Somaliland kaasoo ay dad badani u arkaa in uu tusaale fiican u noqon karo  joojinta qaadka  sida xawliga ah looga  isticmaalo Somaliland.
Oodweynenews/Hargeysa Office