Waxii aan kusoo Arkay Xarunta CID ee Magaalada Muqdisho. “Warbixin”

Shir jaraa’id oo ka dhacay xarunta dambi barista booliska ee CID-da ee magaalada Muqidsho
Shirka jaraa’id oo uu ku saabsanaa soo bandhigis dad ay ku jiraan dhallinyaro ku jirta ciidamada dowladda oo dhac iyo falal burcadnimo ah u geesta dadka rayid iyo xubno la sheegay in xiriir la lee yihiin Al-Shabaab.
Intii la soo bandhigaayay askarta iyo dadka la soo eedeeyay, waxa loo qeybiyay dhowr qeybood, markii la tusay wariyaasha ayaa lagu amray in la xareeyo.
Maxaa Dhacay?
Waxa dhacay in ay isku milmaan eedeesanayaasha, laakin durba qaylo ayaa yeertay oo ah “ISOO CELI QOLADEYDII, AAWAY ,LIX AYAAN LEE YAHAHAY, MAYA AFARTAN ANNIGA AYAA LEH HA LA II SOO CELIYO” wariyaasha meesha joogay ayaa hal mar yaab ka soo haray, waxana ay isweediiyeen meesha maxaa ka jira.
Mid ka mid ah illaalada joogay xarunta CID-da ayaa noo sheegay in qayb loo lee yahay maxaabiista meesha ku jira, oo lagula xisaabtamo.
Waxaa meesha nooga muuqday in dadka si gooni-gooni ah loo heesto, isla markaana si yaabo kala duwan loola dhaqmo maxaabiista.
Wax yaabaha kale ee aan argnay waxaa ka mid ah.
Maxaabiista qaar waxa loo oggolaaday in ay hadlaan kuwa kalena hadalka ayaa lagu celinaayay oo waxa ay u muuqdeen kuwa la juujuubaayo.
Tusaale ninka la sheegay in laga soo qabtay koonfurta Sudan ee markii uu dil ka geestay Muqdisho u baxsaday halkaas, dhowr jeer ayuu ku celceliyay anniga falkaas ma sameenin, mana jirto cid aan la hadlay oo ma aqaano luuqada waddankaas iyo xittaa Ingiriis, laakin markii uu hadalka badiyay ayaa si saxaafadda aysan ula hadlin waxa si halhaleel ah loogu celiyay xasbiga.
Mar la waydiiyay taliyaha boliska in ay jiraan dad falal dilal ah am aka tirsan Al-Shabaab oo marka la soo xiro la sii daayo? Ayuu sheegay in arrintaas aysan jirin.
Waxa uu tusaale u soo qaatay nin boolis ah oo labo cisho ka hor qof rayid ah ugu geestay degmada Deyniile in uu hadda ku jiro xabsiga CID-da sharcigana la horgayn doono.
Si kastaba ha ahaatee, waxa jira weli qaladaad badan oo ka jira xumaha ciidamada, taasoo ah in dadka la iska xiro iyadoo wax xukun ah aan lagu ridin.
Waxa kaloo dhowr jeer la sheegay in ay dhacday dad la soo qabtay oo ka tirsan Al-Shabaab si fudud loo sii daayay markii ay bixiyeen lacago.