Golaha Guurtida Somaliland ayaa maanta kal fadhigoodii ay ku yeesheen Xarunta Golaha Wakiilada oo uu shir guddoominayey Guddoomiye Ku Xigeenka Labaad ee Golahaasi Md. Siciid Jaamac Cali, ayaa waxay si duuduub ah ugu ansixiyeen xeerka Tiro-koobka Dalka Xeer No. 60/2013, kaas oo ay hore u soo ansixiyeen Golaha Wakiiladdu dhowaan.
Kal fadhigan maanta ee Golaha Guurtidu ay yeesheen, ayaa waxa ka soo xaadiray 49 Mudane, waxaanay Golaha Guurtidu ay wax ka bedel iyo Kaabis ku soo sameeyey Xeerkan, gaar ahaan gudida arimaha bulshada ee Golaha Guurtida, waxaanay Mudanayaashu xeerkaasi ku ansixiyeen si duuduub ah, iyaga oo habka gacan taagga ah ugu codeeyey, waxaana ogolaaday 37 mudane, halka ay diideen 7 mudane, waxaana ka aamusay 4 mudane, iyada oo aanuu gudoomiyahuna codaynin, sidaasna waxaa ku ansaxay xeerka Tora Koobka Dalka (statistics) ee Xeer No,60/2013.
HARGFEYSA SOMALILAND
↧
Golaha Guurtida Somaliland Oo Ansixiyey Xeerka Tirakoobka Ee Xeer No.60/2013 Oo Ay Wax Ka Bedel Ku Sameeyeen.
↧