War-saxaafadeed Xafiiska Ururka Suxufiyiinta Madaxa Bannaan ee Somaliland ee SOLJA, ayaa waxa lagu cambaareeyey Xadhiga Weriye Maxamed Aadan Dirir oo Magaalada Caynaba u fadhiya Telefishanka Somalichannel oo dhowaan lagu xidhay Magaaladaasi, kaas oo ay SOLJA sheegtay inuu yahay mi dloo maray sifo aan sharci ahayn oo bilaa waaran Maxkamadeed ah.
War-saxaafadeedka oo uu ku saxeexan yahay Xoghayaha Ururka SOLJA Maxamed Rashiid, ayaa isaga oo dhamaystirana waxa uu u dhignaa sidan.
“Ururka Suxufiyiinta Somaliland ee SOLJA wuxuu canbaaraynayaa xadhiga weriye Maxamed Aadan Dirir oo doraad 12-kii duhurnimo si sharci daro ah loogu xidhay magaalada Caynabo isagoo aan loo marin sifihii sharcigu u jidaynayay qabashadiisa oo aan wax waaran ah maxkamdi usoo goynin
iyadoo sida uu noo cadeeyay mar aanu xalay la xidhiidhnay gudoomiyaha maxkamda caynabo lagu eedeeyay inuu jeelka caynabo xoog ku galay intuu askartii jiidhay oo uu sawiro kasoo qaaday nin ku eedaysnaa kufsi isla markaana uu warkaasi ku baahiyay shabakada wararka ee caynaba news’
arintaas oo ururka SOLJA u arko inaanay macquul ahayn in weriye aan qori sidani xoog ku gali karo jeel askari ilaalinayso sidaa daraadeed ururka SOLJA wuxuu ka codsanayaa maamulka caynabo iyo xukuumada sare ee Somaliland inay xoriyadiisa sida ugu dhakhsaha badan ugu soo celiyaan hadii ama degdeg loo horkeeno maxkamad”
ALLAA MAHAD LEH M.Rashiid Muxumed Farax
Xoghayaha Guud Ee Ururka Suxufiyiinta Somaliland Ee SOLJA
HARGEYSA SOMALILAND
↧
War-Saxaafadeed. SOLJA Oo Cambaaraysay Xadhiga Weriye Maxamed Aadan Dirir Oo Magaalada Caynaba Uga Soo Warraamaya Telefishanka Somalilchanely
↧